"Манчестер Сити" ярим ҳимоячиси Кевин де Брюйне Европанинг бошқа клубига ўтиши мумкин.
Бельгиялик футболчи "шаҳарликлар" билан жорий мавсум якунлангач, шартномаси якунига етгач хайрлашади. АПЛ юлдузига асосий даъвогарлар Саудия Арабистони чемпионати вакиллари ҳисобланади, аммо хавбек Европада қолиши ҳам мумкин. Журналист Пол Хёрстнинг маълум қилишича, 33 ёшли футболчи Европа клубларининг барча таклифларини ўрганиб чиқиб, якуний қарорга келади.
Кевин де Брюйне 2015 йилдан буён "Манчестер Сити" шарафини ҳимоя қилиб келмоқда. У бунгача "Вольфсбург," "Челси," "Вердер" ва "Генк" клубларида тўп тепган.
