«Real» kecha 43 ta kross amalga oshiribdi. Faqat 7 tasi aniq manzilga yetib borgan, ammo xavfsiz zarbalar bilan tugagan. 39 marta uzun pas berishga urinilgan.

Tarkibda har qanday vaziyatda gol urishi mumkin bo‘lgan futbolchilarning ko‘p bo‘lishi yaxshi, ularning hammasini maydonga tushirib, nimadandir umid qilsa ham bo‘ladi. Ammo tizimli ravishda, masalan har besh minutda kuchli jamoaga qarshi xavfli vaziyatlar yaratish, ya’ni raqib himoyachilarini izdan chiqarish uchun bu yetarli emas.

«Real» markazida o‘yin tempini nazorat qiladigan va assistdan oldingi pasni amalga oshiradigan futbolchi yetishmadi. Shuning uchun ham biz ko‘pincha hatto Mbappening ham ortga qaytib, hujum boshlamoqchi bo‘lganini ko‘rdik.

Ammo hujumni yakunlaydigan emas, uni boshlaydigan, oddiy vaziyatni potensial xavfga aylantira oladigan futbolchi kerak. Ayniqsa, kechagi ssenariydagi holatlar uchun.

Madridda faqat 40 yoshli Modrich bor xolos. Menimcha, transfer bozorida faollashish uchun asos bor.