«Реал» кеча 43 та кросс амалга оширибди. Фақат 7 таси аниқ манзилга етиб борган, аммо хавфсиз зарбалар билан тугаган. 39 марта узун пас беришга уринилган.

Таркибда ҳар қандай вазиятда гол уриши мумкин бўлган футболчиларнинг кўп бўлиши яхши, уларнинг ҳаммасини майдонга тушириб, нимадандир умид қилса ҳам бўлади. Аммо тизимли равишда, масалан ҳар беш минутда кучли жамоага қарши хавфли вазиятлар яратиш, яъни рақиб ҳимоячиларини издан чиқариш учун бу етарли эмас.

«Реал» марказида ўйин темпини назорат қиладиган ва ассистдан олдинги пасни амалга оширадиган футболчи етишмади. Шунинг учун ҳам биз кўпинча ҳатто Мбаппенинг ҳам ортга қайтиб, ҳужум бошламоқчи бўлганини кўрдик.

Аммо ҳужумни якунлайдиган эмас, уни бошлайдиган, оддий вазиятни потенциал хавфга айлантира оладиган футболчи керак. Айниқса, кечаги сценарийдаги ҳолатлар учун.

Мадридда фақат 40 ёшли Модрич бор холос. Менимча, трансфер бозорида фаоллашиш учун асос бор.