Hozirda Dortmundning "Borussiya" klubi safida harakat qilayotgan Seru Girassi bir kun kelib faoliyatini Angliya Premyer-ligasida davom ettirishni istaydi, deya xabar berdi Bild nashri.

Manbaga ko‘ra, 29 yoshli gvineyalik futbolchining Dortmund klubi bilan 2028 yilgacha mo‘ljallangan shartnomasida 70 million yevro tovon puli bor.

Girassi hozirda YECHLda 14 ta o‘yinda 13 ta gol urib, turnir to‘purari bo‘lib turibdi. "Asalarilar" turnirdagi ishtirokini chorak finalda to‘xtatdi.

Seru bu mavsum jami 40 ta o‘yinda 28 ta gol urib, 8 ta assist berdi.