Ҳозирда Дортмунднинг "Боруссия" клуби сафида ҳаракат қилаётган Серу Гирасси бир кун келиб фаолиятини Англия Премьер-лигасида давом эттиришни истайди, дея хабар берди Bild нашри.
Манбага кўра, 29 ёшли гвинеялик футболчининг Дортмунд клуби билан 2028 йилгача мўлжалланган шартномасида 70 миллион евро товон пули бор.
Гирасси ҳозирда ЕЧЛда 14 та ўйинда 13 та гол уриб, турнир тўпурари бўлиб турибди. "Асаларилар" турнирдаги иштирокини чорак финалда тўхтатди.
Серу бу мавсум жами 40 та ўйинда 28 та гол уриб, 8 та ассист берди.
