"Manchester Siti" va Portugaliya terma jamoasi yarim himoyachisi Bernardu Silva tumanli Albionni tark etishi mumkin. Yulduz xavbekda Ispaniya chempionatining top-klublaridan biriga o‘tish varianti bor.

Todofichajes nashri tarqatgan xabarga ko‘ra portugaliyalik xavbek xizmatiga Kataloniyaning "Barselona" klubi qiziqish bildirmoqda. Transfermarkt portali futbolchining bozor narxini 45 million yevroga baholamoqda. Bernarduning "shaharliklar" bilan amaldagi shartnomasi 2026 yilning iyun oyi oxirida yakuniga yetadi.

Joriy mavsumda Bernardu Angliya chempionatida 27 ta o'yin o‘tkazib, 2 ta gol urdi va 4 ta golli uzatmani amalga oshirdi.