"Tottenxem" APL davrida ikkinchi bor Yevrokubok yarim finaliga yetib keldi.
Ange Postekoglu jamoasi turnirning chorak finalida "Ayntraxt"ni mag‘lub etdi (1:0, birinchi o‘yin - 1:1) va keyingi bosqichga yo‘l oldi.
"Shporlar" 1992 yilda Angliya chempionati isloh qilingandan beri ikkinchi marta Yevrokubok musobaqasining yarim finaliga chiqishga muvaffaq bo‘ldi. 2018/19-yilgi mavsumda ular ilk bor Chempionlar Ligasi finaligacha borib, u yerda "Liverpul"ga mag‘lub bo‘lishgandi (0:2).
Ta’kidlash joizki, "Tottenxem" 1963 yilda Kubok sohiblari kubogini, 1972 va 1984 yillarda esa UYEFA kubogini qo‘lga kiritgan edi.













