"Тоттенхэм" АПЛ даврида иккинчи бор Еврокубок ярим финалига етиб келди.
Анге Постекоглу жамоаси турнирнинг чорак финалида "Айнтрахт"ни мағлуб этди (1:0, биринчи ўйин - 1:1) ва кейинги босқичга йўл олди.
"Шпорлар" 1992 йилда Англия чемпионати ислоҳ қилингандан бери иккинчи марта Еврокубок мусобақасининг ярим финалига чиқишга муваффақ бўлди. 2018/19-йилги мавсумда улар илк бор Чемпионлар Лигаси финалигача бориб, у ерда "Ливерпуль"га мағлуб бўлишганди (0:2).
Таъкидлаш жоизки, "Тоттенхэм" 1963 йилда Кубок соҳиблари кубогини, 1972 ва 1984 йилларда эса УЕФА кубогини қўлга киритган эди.
