"Tottenxem" darvozaboni Gulyelmo Vikario Yevropa Ligasi 1/4 final javob uchrashuvida "Ayntraxt" (1:0, 1:1) ustidan qo‘lga kiritilgan g‘alabaga izoh berdi.
"Bu aql bovar qilmaydigan narsa! Hamma bir-biri bilan faxrlanishi kerak. Biz o‘zimizni katta oila, katta jamoa kabi his qildik, bundan zavq olishimiz kerak. Yevrokuboklarning yarim finaliga chiqish katta yutuq, ammo ish hali tugamagan. Oldinda ikkita yangi uchrashuv bor. Bizni qiziqarli yarim final kutib turibdi. Bu qiyin bo‘ladi, lekin biz kurashishga tayyormiz" - dedi Vikaroi UEFA matbuot xizmatiga.
