«Manchester Yunayted»ning afsonaviy yarimhimoyachisi, hozirda TV-ekspert sifatida faoliyat yuritayotgan Roy Kin Abduqodir Husanovning top-o‘yinchiga aylanishiga shubha qilmayotganini aytdi.
«O‘ylaymanki, u bu yerdagi debyutidan keyin tobora moslashib olishga erishdi. APLga keladigan har qanday o‘yinchi boshida bu jarayonni og‘ir o‘tkazadi. Yangi mamlakat, til o‘rganish, jamoadoshlariga ko‘nikish uchun vaqt talab etilardi.
Menimcha, u bilan hammasi joyida bo‘ladi. Ha, unda qiyin start bo‘ldi, ammo bu ham yengib o‘tish kerak bo‘lgan chaqiruv edi. U yaxshi o‘yinchi, to‘liq moslashib olish uchun vaqt kerak. U «Manchester Siti» uchun top-o‘yinchiga aylanadi, bunga shubha yo‘q», - dedi Roy Kin ITV’dagi efirda.
