«Манчестер Юнайтед»нинг афсонавий яримҳимоячиси, ҳозирда ТВ-эксперт сифатида фаолият юритаётган Рой Кин Абдуқодир Ҳусановнинг топ-ўйинчига айланишига шубҳа қилмаётганини айтди.
«Ўйлайманки, у бу ердаги дебютидан кейин тобора мослашиб олишга эришди. АПЛга келадиган ҳар қандай ўйинчи бошида бу жараённи оғир ўтказади. Янги мамлакат, тил ўрганиш, жамоадошларига кўникиш учун вақт талаб этиларди.
Менимча, у билан ҳаммаси жойида бўлади. Ҳа, унда қийин старт бўлди, аммо бу ҳам енгиб ўтиш керак бўлган чақирув эди. У яхши ўйинчи, тўлиқ мослашиб олиш учун вақт керак. У «Манчестер Сити» учун топ-ўйинчига айланади, бунга шубҳа йўқ», - деди Рой Кин ITV’даги эфирда.
