Londonning "Arsenal" jamoasi asosiy futbolchisi bilan shartnomani uzaytirmoqchi emas.
Tajribali Tomas Parti Londondagi faoliyatini yakunlash arafasida, deb xabar beradi Sky Sport. "Kanonirlar" rahbariyati futbolchi bilan hamkorlikni davom ettirishni rejalashtirmayapti va uning o‘rniga yangi yarim himoyachi bilan shartnoma imzolamoqchi.
Ma’lumki, 31 yoshli ganalik yarim himoyachiga Yevropaning bir qancha top-klublari qiziqish bildirmoqda. Saudiya Arabistoni ham uning faoliyatini davom ettirishi mumkin bo‘lgan variantlardan biri bo‘lishi mumkin. Yaqinda Madridning "Atletiko" klubi Tomas Partini ortga qaytarmoqchi ekani haqida xabarlar paydo bo‘ldi.
Tomas Parti joriy mavsumda “Arsenal” safida barcha turnirlarda 46 ta o‘yinda maydonga tushib, 4 ta gol urdi va 3 ta golli uzatmani amalga oshirdi.
