Лондоннинг "Арсенал" жамоаси асосий футболчиси билан шартномани узайтирмоқчи эмас.
Тажрибали Томас Парти Лондондаги фаолиятини якунлаш арафасида, деб хабар беради Sky Sport. "Канонирлар" раҳбарияти футболчи билан ҳамкорликни давом эттиришни режалаштирмаяпти ва унинг ўрнига янги ярим ҳимоячи билан шартнома имзоламоқчи.
Маълумки, 31 ёшли ганалик ярим ҳимоячига Европанинг бир қанча топ-клублари қизиқиш билдирмоқда. Саудия Арабистони ҳам унинг фаолиятини давом эттириши мумкин бўлган вариантлардан бири бўлиши мумкин. Яқинда Мадриднинг "Атлетико" клуби Томас Партини ортга қайтармоқчи экани ҳақида хабарлар пайдо бўлди.
Томас Парти жорий мавсумда “Арсенал” сафида барча турнирларда 46 та ўйинда майдонга тушиб, 4 та гол урди ва 3 та голли узатмани амалга оширди.
