"Barselona"ning o‘ng qanot himoyachisi Ektor Fort yozda boshqa jamoaga ijaraga ketmoqchi, deya xabar bermoqda El Nacional.
18 yoshli ispaniyalik futbolchi klub rahbariyatiga ko‘proq o‘yin amaliyotiga ega bo‘lish uchun ijaraga ketmoqchi ekanligini ma’lum qilgan.
Qayd etilishicha, futbolchining atrofidagilar allaqachon klub sport direktori Deku bilan futbolchi ijaraga ketishi mumkin bo‘lgan La Liga klubini topish ustida ishlamoqda. Xorijiy chempionatga o‘tish ham istisno qilinmaydi.
Deku futbolchini sotib olish huquqisiz ijaraga berishni talab qilmoqda.
"Barselona" bosh murabbiyi Xans-Diter Flik futbolchining ketishiga qarshi emas.
18 yoshli o‘ng qanot himoyachisi Fort ushbu mavsum davomida klub safida 14 ta o‘yin o‘tkazdi (480 daqiqa).
