"Барселона"нинг ўнг қанот ҳимоячиси Эктор Форт ёзда бошқа жамоага ижарага кетмоқчи, дея хабар бермоқда El Nacional.
18 ёшли испаниялик футболчи клуб раҳбариятига кўпроқ ўйин амалиётига эга бўлиш учун ижарага кетмоқчи эканлигини маълум қилган.
Қайд этилишича, футболчининг атрофидагилар аллақачон клуб спорт директори Деку билан футболчи ижарага кетиши мумкин бўлган Ла Лига клубини топиш устида ишламоқда. Хорижий чемпионатга ўтиш ҳам истисно қилинмайди.
Деку футболчини сотиб олиш ҳуқуқисиз ижарага беришни талаб қилмоқда.
"Барселона" бош мураббийи Ханс-Дитер Флик футболчининг кетишига қарши эмас.
18 ёшли ўнг қанот ҳимоячиси Форт ушбу мавсум давомида клуб сафида 14 та ўйин ўтказди (480 дақиқа).
