"Leypsig"ning chap qanot himoyachisi David Raum jamoani tark etishi mumkin, deya xabar bermoqda jurnalist Florian Plettenberg.

Manbaga ko‘ra, 27 yoshli germaniyalik futbolchi faoliyatidagi keyingi qadamni rejalashtirmoqda. U nemis klubida baxtli, ammo qachondir Angliyada o‘ynash niyati bor.

Ma’lum bo‘lishicha, yozda APLdan top-taklif kelib tushsa, transfer amalga oshishi mumkin. Uning holatini bir nechta klublar kuzatib bormoqda, biroq aniq jamoalar ma’lum qilinmagan.

U 35-40 million yevroga baholanmoqda.

Davidning "Leypsig" bilan shartnomasi 2027 yilning 30 iyuniga qadar amal qiladi. U "Xoffenxaym"dan 26 million yevro evaziga 2022 yil yozida "buqalar" safiga ko‘chib o‘tgan edi.

U joriy mavsum klub safida 27 ta o‘yinda maydonga tushib, 1 ta gol urdi va 5 ta golli uzatmani amalga oshirdi.