"Лейпциг"нинг чап қанот ҳимоячиси Давид Раум жамоани тарк этиши мумкин, дея хабар бермоқда журналист Флориан Плеттенберг.

Манбага кўра, 27 ёшли германиялик футболчи фаолиятидаги кейинги қадамни режалаштирмоқда. У немис клубида бахтли, аммо қачондир Англияда ўйнаш нияти бор.

Маълум бўлишича, ёзда АПЛдан топ-таклиф келиб тушса, трансфер амалга ошиши мумкин. Унинг ҳолатини бир нечта клублар кузатиб бормоқда, бироқ аниқ жамоалар маълум қилинмаган.

У 35-40 миллион еврога баҳоланмоқда.

Давиднинг "Лейпциг" билан шартномаси 2027 йилнинг 30 июнига қадар амал қилади. У "Хоффенхайм"дан 26 миллион евро эвазига 2022 йил ёзида "буқалар" сафига кўчиб ўтган эди.

У жорий мавсум клуб сафида 27 та ўйинда майдонга тушиб, 1 та гол урди ва 5 та голли узатмани амалга оширди.