"Manchester Yunayted"ning sobiq futbolchisi Lui Saa Krishtianu Ronaldu klublar o‘rtasidagi jahon chempionatida ishtirok etish uchun "Manchester Siti"ga o‘tishi mumkinligi haqidagi xabarga munosabat bildirdi.
"Menimcha, buning ma’nosi yo‘q. "Manchester Siti" libosidagi Ronaldu haqida o‘ylash og‘riqli. Lekin Ronalduga ham bu kerak emas, deb o‘ylayman. "Manchester Siti"ga o‘tish nima uchun kerak? Bu qanday yangi turnir? Men uni hurmat qilmayman. Bu turnir, menimcha, mutlaqo kerak emas.
Ular Superliga bilan qanday kurashganini hisobga olsak, bu g‘alati. Men buni tushunmayapman. Klublar o‘rtasidagi jahon chempionati uchun Ronalduning u yerga o‘tishi men uchun ma’noga ega emas, chunki bu turnir bunga arzimaydi", - dedi Saa.
32 jamoa ishtirokidagi klublar o‘rtasidagi jahon chempionati iyun-iyul oylarida AQSHda bo‘lib o‘tadi.
