"Манчестер Юнайтед"нинг собиқ футболчиси Луи Саа Криштиану Роналду клублар ўртасидаги жаҳон чемпионатида иштирок этиш учун "Манчестер Сити"га ўтиши мумкинлиги ҳақидаги хабарга муносабат билдирди.
"Менимча, бунинг маъноси йўқ. "Манчестер Сити" либосидаги Роналду ҳақида ўйлаш оғриқли. Лекин Роналдуга ҳам бу керак эмас, деб ўйлайман. "Манчестер Сити"га ўтиш нима учун керак? Бу қандай янги турнир? Мен уни ҳурмат қилмайман. Бу турнир, менимча, мутлақо керак эмас.
Улар Суперлига билан қандай курашганини ҳисобга олсак, бу ғалати. Мен буни тушунмаяпман. Клублар ўртасидаги жаҳон чемпионати учун Роналдунинг у ерга ўтиши мен учун маънога эга эмас, чунки бу турнир бунга арзимайди", - деди Саа.
32 жамоа иштирокидаги клублар ўртасидаги жаҳон чемпионати июн-июл ойларида АҚШда бўлиб ўтади.
