"Seltik" Shotlandiya chempioniga aylandi.
“Oq-yashillar” shanba kuni safarda “Dandi Yunayted” ustidan yirik 5:0 hisobida g‘alabaga erishdi.
Qizig‘i shundaki, "Seltik"ning chempionlik o‘yini biroz vaqtga to‘xtab qoldi. “Oq-yashillar” muxlislari chiptalar narxidan noroziligini bildirishga qaror qilishdi.
Bir payt “Seltik” muxlislari maydonga mandarinlar otishni boshlashdi. Taxminan uch daqiqa davom etgan pauzadan so‘ng o‘yin davom ettirildi.
"Seltik" muxlislari chipta uchun 42 funt to‘lashga majbur bo‘lganidan norozi, deb yozadi Goal portali.
Ma’lumot uchun, 42 funt o‘zbek so‘miga hisoblaganda 722 ming atrofida bo‘ladi.
