"Real"ning uch futbolchisi Ispaniya kubogi finalida jarohat oldi.

Madridliklar turnirning so‘nggi o‘yinida "Barselona"ga mag‘lub bo‘ldi (2:3).

Cope jurnalisti Aranchi Rodrigesning ma’lum qilishicha, Ferlan Mendi o‘ng oyog‘i to‘rt boshli mushakdan jarohat olgan. Himoyachi o‘yinning 11-daqiqasidayoq zaxiraga olindi. Bu uning avvalgi jarohatidan keyin ilk bor maydonga tushishi edi.

Dani Sebalyos chap to‘pig‘ida noqulaylikni his qilmoqda. Yarim himoyachi o‘yinning 55-daqiqasida almashtirildi.

Antonio Ryudigerning o‘ng tizzasida noqulaylik bor. Himoyachi maydonda 111 daqiqa harakat qildi.

Qayd etilishicha, bugun barcha futbolchilar qo‘shimcha tekshiruvlardan o‘tkaziladi.