"Реал"нинг уч футболчиси Испания кубоги финалида жароҳат олди.
Мадридликлар турнирнинг сўнгги ўйинида "Барселона"га мағлуб бўлди (2:3).
Cope журналисти Аранчи Родригеснинг маълум қилишича, Ферлан Менди ўнг оёғи тўрт бошли мушакдан жароҳат олган. Ҳимоячи ўйиннинг 11-дақиқасидаёқ захирага олинди. Бу унинг аввалги жароҳатидан кейин илк бор майдонга тушиши эди.
Дани Себальос чап тўпиғида ноқулайликни ҳис қилмоқда. Ярим ҳимоячи ўйиннинг 55-дақиқасида алмаштирилди.
Антонио Рюдигернинг ўнг тиззасида ноқулайлик бор. Ҳимоячи майдонда 111 дақиқа ҳаракат қилди.
Қайд этилишича, бугун барча футболчилар қўшимча текширувлардан ўтказилади.
