«Pari Sen-Jermen» bosh murabbiyi Luis Enrike UYEFA Chempionlar Ligasi 2024/2025 yilgi mavsumi yarim final bosqichida Londonning «Arsenal» jamoasiga qarshi o‘tkazilgan birinchi uchrashuvdagi g‘alaba haqida o‘z fikrlari bilan o‘rtoqlashdi. Parijliklar mazkur bellashuvda 1:0 hisobida g‘alaba qozonishdi.

«Bunday o‘yinlarda emosiyalar juda yuqori bo‘ladi, shuning uchun tahlil qilish oson emas. Atmosfera juda ajoyib edi, ammo biz qaysi jamoa ekanimizni namoyish etdik. Jamoaviy ruhni ko‘rsata oldik. Bunday ruhni «PSJ»da ko‘rish – haqiqiy zavq.

Biz o‘z uslubimizda o‘ynashga harakat qildik va o‘yin boshida muhim bo‘lgan golni urdik – bu o‘zimizga bo‘lgan ishonchni oshirdi. Ba’zida bizga oson bo‘lmadi, ammo ikkinchi golni ham urish imkonimiz bor edi», — Enrike so‘zlarini keltiradi BBC.

Eslatib o‘tamiz, javob o‘yini 7 may kuni Fransiya poytaxti Parijda bo‘lib o‘tadi.