«Пари Сен-Жермен» бош мураббийи Луис Энрике УЕФА Чемпионлар Лигаси 2024/2025 йилги мавсуми ярим финал босқичида Лондоннинг «Арсенал» жамоасига қарши ўтказилган биринчи учрашувдаги ғалаба ҳақида ўз фикрлари билан ўртоқлашди. Парижликлар мазкур беллашувда 1:0 ҳисобида ғалаба қозонишди.
«Бундай ўйинларда эмоциялар жуда юқори бўлади, шунинг учун таҳлил қилиш осон эмас. Атмосфера жуда ажойиб эди, аммо биз қайси жамоа эканимизни намойиш этдик. Жамоавий руҳни кўрсата олдик. Бундай руҳни «ПСЖ»да кўриш – ҳақиқий завқ.
Биз ўз услубимизда ўйнашга ҳаракат қилдик ва ўйин бошида муҳим бўлган голни урдик – бу ўзимизга бўлган ишончни оширди. Баъзида бизга осон бўлмади, аммо иккинчи голни ҳам уриш имконимиз бор эди», — Энрике сўзларини келтиради BBC.
Эслатиб ўтамиз, жавоб ўйини 7 май куни Франция пойтахти Парижда бўлиб ўтади.













