"Manchester Yunayted" himoyachisi Xarri Maguayr Yevropa Ligasi 1/2 final dastlabki o‘yinida "Atletik" ustidan qozonilgan g‘alabaga (3:0) munosabat bildirdi.
"Dastlabki yigirma daqiqa og‘ir o‘tdi, muxlislar boshida juda baland ovozda raqibni qo‘llab-quvvatladi, keskinlik esa juda yuqori edi. Biz bu bo‘ronga bardosh berdik, o‘z imkoniyatimiz bo‘lishini bilardik va birinchi bo‘limda juda aniq harakat qildik.
Bir oz harakatlanib, ajoyib havodan uzatma berishim yoqimli bo‘ldi. Jarima maydonida ko‘plab o‘yinchilarimiz bor edi va ular bu uzatmani amalga oshirishni menga ishonib topshirishgan bo‘lsa kerak. Bu yoqimli holat, chunki natijada Kazemiro boshi bilan ajoyib zarba berib, to‘pni darvozaga kiritdi," - deya Maguayrning so‘zlarini keltiradi UEFA matbuot xizmati.
