Leroy Sanening "Bavariya" bilan mavsum yakunlangach tugaydigan shartnomasi hali uzaytirilmagan.
Ma’lumotlarga ko‘ra, vinger Myunxenda qolishni rejalashtirmoqda va allaqachon "Arsenal" va "Al-Ittihod"ga rad javobini bergan. Sanening transferiga Turkiyaning "Galatasaroy" klubi ham qiziqish bildirmoqda, deb yozadi Transfer News Live Fanatik nashriga tayanib.
"Bavariya" 29 yoshli futbolchi bilan yangi shartnoma bo‘yicha muzokaralarni davom ettirmoqda. Agar hammasi reja bo‘yicha ketsa, tomonlar 2028 yilgacha mo‘ljallangan bitimni tuzishi kutilmoqda.













