Germaniya chempionatining 32-turida "Bavariya" safarda "Leypsig" bilan durang o‘ynadi - 3:3.
Birinchi bo‘limdan so‘ng mezbonlar 2:0 hisobida oldinda borayotgandi - Benyamin Sheshko va Lukas Klostermann gol urdi. Ikkinchi bo‘limda mehmonlar safida Erik Dayer, Maykl Olise va Leroy Sane o‘z nomini tabloga yozdirib qo‘ydi. 90+5-daqiqada "Leypsig" forvardi Yussuf Poulsen hisobni tenglashtirdi va jamoasini mag‘lubiyatdan qutqarib qoldi.
"Bavariya" 76 ochko bilan Bundesliga turnir jadvalida peshqadamlik qilmoqda. "Leypsig" ustidan g‘alaba qozonilsa, jamoa 2024/25 yillarda Germaniya chempioniga aylanardi. Endi myunxenliklar muddatidan oldin chempionlikni qo‘lga kiritish uchun 32-turda "Frayburg"ga qarshi o‘yinda "Bayer" (67 ochko) g‘alaba qozonmasligi kerak. Agar bunday bo‘lmasa, "Bavariya" keyingi turda Menxengladbaxning "Borussiya"siga yutqazmasligi kerak.
"Leypsig" 50 ochko bilan musobaqa jadvalining beshinchi pog‘onasida bormoqda.













