Германия чемпионатининг 32-турида "Бавария" сафарда "Лейпциг" билан дуранг ўйнади - 3:3.
Биринчи бўлимдан сўнг мезбонлар 2:0 ҳисобида олдинда бораётганди - Беньямин Шешко ва Лукас Клостерманн гол урди. Иккинчи бўлимда меҳмонлар сафида Эрик Дайер, Майкл Олисе ва Лерой Сане ўз номини таблога ёздириб қўйди. 90+5-дақиқада "Лейпциг" форварди Юссуф Поульсен ҳисобни тенглаштирди ва жамоасини мағлубиятдан қутқариб қолди.
"Бавария" 76 очко билан Бундеслига турнир жадвалида пешқадамлик қилмоқда. "Лейпциг" устидан ғалаба қозонилса, жамоа 2024/25 йилларда Германия чемпионига айланарди. Энди мюнхенликлар муддатидан олдин чемпионликни қўлга киритиш учун 32-турда "Фрайбург"га қарши ўйинда "Байер" (67 очко) ғалаба қозонмаслиги керак. Агар бундай бўлмаса, "Бавария" кейинги турда Менхенгладбахнинг "Боруссия"сига ютқазмаслиги керак.
"Лейпциг" 50 очко билан мусобақа жадвалининг бешинчи поғонасида бормоқда.
