Taniqli insayder Fabrisio Romano Londonning "Arsenal" klubi markaziy himoyachisi Vilyam Salibaning Madridning "Real" klubiga o‘tishi borasida o‘z fikrlarini bildirib o‘tdi.
"Qirollik klubi" fransiyalik futbolchini ustuvor transfer maqsadi sifatida belgilagan, futbolchining o‘zi esa, avval xabar qilinganidek, transferga qiziqish bildirmoqda. Romano hisobotidagi ma’lumotlarga ko‘ra, "Real" Salibani avlodning asosiy iste’dodlaridan biri deb biladi. La Liga grandi "kanonirlar" yulduzi bilan shartnoma imzolamoqchi, agar shunday imkoniyat paydo bo‘lsa, bu joriy yilda ham, keyingi yilda ham, hatto 2027 yilda ham sodir bo‘lishi mumkin. Ko‘p narsa futbolchining "Arsenal" bilan yangi shartnoma bo‘yicha muzokaralari natijasiga bog‘liq bo‘ladi.
