"Flamengo"ning o‘ng qanot himoyachisi Uesli tez orada Yevropaning top-klublaridan biriga ko‘chib o‘tishi mumkin.
Braziliyalik futbolchiga qiziqish tobora ortib bormoqda. CaughtOffside nashri tarqatgan xabarga ko‘ra 21 yoshli futbolchi uchun Angliyaning "Chelsi," "Arsenal," "Manchester Siti" va "Liverpul" hamda Kataloniyaning "Barselona" klublari kurash olib borishga tayyor. Transfermarkt portali ekspertlari istiqbolli futbolchining narxini 15 mln yevroga baholamoqda.
Uesli joriy mavsum "Flamengo" safida 17 ta o‘yinda 1 ta gol va 2 ta golli uzatmaga mualliflik qilgan. Joriy yilning mart oyida lateral Braziliya terma jamoasi safida debyut qildi.













