Kataloniyaning “Barselona” jamoasi Milanda “Inter”ga 3:4 hisobida mag‘lub bo‘lib, Chempionlar Ligasi finaliga chiqa olmadi. Uchrashuvdan so‘ng urugvaylik himoyachi Ronald Arauxo bosh murabbiy Xansi Flikning futbolchilarga aytgan so‘zlari haqida gapirdi.
“Xansi Flik biz bilan faxrlanishini, har birimiz bor kuchimizni berganimizni aytib o‘tdi. U bizga ishonadi va kelasi yili albatta Chempionlar Ligasini yutamiz, dedi”, — deya ta’kidladi Arauxo jurnalistlarga.













