Portugaliyalik mutaxassis Paulu Souza BAAda o‘zini ajoyib his qilmoqda, uning klubi “Shabab Al-Ahli” turnir yakunlanishiga uch tur qolganida chempion bo‘ldi.
Asosiy raqibi – “Al-SHarja”ning “Al-Vahda”ga 0:2 hisobida mag‘lub bo‘lishi “Shabab Al-Ahli”ni chempion qildi.
Souzaning klubi mavsum davomida faqat bitta mag‘lubiyat alamini totib ko‘rdi. Bu klubning to‘qqizinchi chempionligi va ular hozirda Birlashgan Arab Amirliklarida chempionatda 14 marta g‘alaba qozongan "Al-Ayn"dan keyin ikkinchi eng ko‘p sovrindor jamoa bo‘lib turibdi.
