Португалиялик мутахассис Паулу Соуза БААда ўзини ажойиб ҳис қилмоқда, унинг клуби “Шабаб Ал-Аҳли” турнир якунланишига уч тур қолганида чемпион бўлди.
Асосий рақиби – “Ал-Шаржа”нинг “Ал-Ваҳда”га 0:2 ҳисобида мағлуб бўлиши “Шабаб Ал-Аҳли”ни чемпион қилди.
Соузанинг клуби мавсум давомида фақат битта мағлубият аламини тотиб кўрди. Бу клубнинг тўққизинчи чемпионлиги ва улар ҳозирда Бирлашган Араб Амирликларида чемпионатда 14 марта ғалаба қозонган "Ал-Айн"дан кейин иккинчи энг кўп совриндор жамоа бўлиб турибди.













