"Liverpul"ning o‘ng qanot himoyachisi Trent Aleksandr-Arnold amaldagi shartnomasi tugashidan oldin "Real" safini to‘ldirishga tayyor.

Xabaringiz bor, ingliz "qizillar" bilan xayrlashib, erkin agent sifatida "Real"ga ko‘chib o‘tadi. "Qirollik klubi" futbolchining transferi ertaroq, iyun oyi o‘rtalarida boshlanadigan klublar o‘rtasidagi jahon chempionatiga qadar amalga oshirilishini istamoqda. Diario AS xabariga ko‘ra, Trentning o‘zi allaqachon rozilik bergan - u yangi klubi safiga bir necha hafta oldin qo‘shilishga tayyor. "Liverpul" bilan kelishib olish qoldi.

Klublar o‘rtasidagi JCH guruh bosqichining 1-turida "Real" "Al-Hilol"ga qarshi bahs olib boradi. O‘yin 18 iyun kuni bo‘lib o‘tadi.