“Liverpul” joriy yozda “Bayer”ning niderlandiyalik himoyachisi Jeremi Frimpongni o‘z safiga qo‘shib olmoqchi. Bu haqda GiveMeSport nashri xabar bermoqda.
Manbaga ko‘ra, “qizillar” Frimpongni Trent Aleksandr-Arnoldning jamoani tark etishi munosabati bilan uning o‘rnini to‘ldiruvchi futbolchi sifatida ko‘rishmoqda. Klubga futbolchining universal pozisiyasi ham yoqmoqda — u nafaqat himoyachi, balki yarim himoyachi sifatida ham o‘ynay oladi.
Frimpongning amaldagi shartnomasida 30 million funtlik tovon puli ko‘zda tutilgan. Bu summa futbolchining bozor bahosidan ancha arzon deb hisoblanmoqda.
Joriy mavsumda Jeremi Frimpong Bundesligada 32 o‘yinda ishtirok etib, 4 ta gol va 5 ta assist qayd etdi.
