“Ливерпуль” жорий ёзда “Байер”нинг нидерландиялик ҳимоячиси Жереми Фримпонгни ўз сафига қўшиб олмоқчи. Бу ҳақда GiveMeSport нашри хабар бермоқда.

Манбага кўра, “қизиллар” Фримпонгни Трент Александр-Арнольднинг жамоани тарк этиши муносабати билан унинг ўрнини тўлдирувчи футболчи сифатида кўришмоқда. Клубга футболчининг универсал позицияси ҳам ёқмоқда — у нафақат ҳимоячи, балки ярим ҳимоячи сифатида ҳам ўйнай олади.

Фримпонгнинг амалдаги шартномасида 30 миллион фунтлик товон пули кўзда тутилган. Бу сумма футболчининг бозор баҳосидан анча арзон деб ҳисобланмоқда.

Жорий мавсумда Жереми Фримпонг Бундеслигада 32 ўйинда иштирок этиб, 4 та гол ва 5 та ассист қайд этди.