Yevropa Ligasi yarim final javob uchrashuvlaridan so‘ng Londonning “Tottenxem” jamoasi Norvegiyaga safar qilib, “Budyo-Glimt” ustidan yana bir bor ustunligini isbotladi — uchrashuv 2:0 hisobida angliyaliklar foydasiga yakunlandi.
Uchrashuvdan so‘ng “Tottenxem” bosh murabbiyi Ange Postekoglu jamoasi bilan birga ushbu uzoq norveg shaharga kelgan muxlislarga samimiy minnatdorchilik izhor etdi:
“Biz bu yerdamiz — muxlislar uchun. Futbolning o‘zi ham muxlislar uchun. Murabbiylar va futbolchilar keladi-ketadi, ammo muxlislar klub bilan qoladi. Bugun biz bilan to‘rt yuz nafar ishqiboz bor edi, yana qanchalari uyda o‘tirib, o‘yinni televizor orqali kuzatishdi. Umid qilamanki, biz ularga xursandchilik ulashdik,” – deya murabbiy so‘zlarini keltiradi BBC Sport.
