"Tottenxem"ning hujumkor yarim himoyachisi Jeyms Meddison jiddiy jarohati sabab mavsumning qolgan qismini o‘tkazib yuborishi ma’lum bo‘lgach, jamoasi muxlislariga murojaat qildi.
"Men xafa bo‘ldim. Mavsum boshidan Yevropa Ligasi finaliga chiqish maqsadini qo‘yganmiz, shu bois jamoadoshlarim bilan maydonga tusha olmasligimni tan olishim qiyin. Jarohatlar o‘yinning bir qismi, bu ba’zida shafqatsiz bo‘lishi mumkin. Biroq, bu oqshom klubimiz uchun o‘zgacha kechishi mumkinligiga chin dildan ishonaman", - deb yozdi angliyalik o‘zining Instagram sahifasida.
Eslatib o‘tamiz, joriy mavsumda 28 yoshli Jeyms Meddison "Tottenxem" safida barcha turnirlar doirasida 45ta o‘yinda ishtirok etib, 12ta gol va 11ta golga assistentlik qilgan.
