"Lids" muxlisi jamoaning Premyer-ligaga chiqqanini tantana qilish paytida daraxtdan yiqilib, komaga tushib qoldi.
23 yoshli Ed O’Brayen "Lids"ning Premyer-ligaga chiqqani munosabati bilan uyushtirilgan parad vaqtida daraxtdan yiqilib, boshidan jiddiy jarohat oldi. U jarrohlik amaliyotini o‘tkazdi, ammo miya shikastlanishining darajasi noma’lumligicha qolmoqda.
Edning onasining so‘zlariga ko‘ra, u komada va uning ahvoli og‘ir deb baholanmoqda. Avvalroq u ijtimoiy tarmoqlarda o‘g‘lining daraxtga chiqib, bir-ikki shisha aroq ichganini aytgandi.
Uning so‘zlariga ko‘ra, Ed O’Brayenni qo‘llab-quvvatlash uchun mablag‘ yig‘ish allaqachon boshlangan bo‘lib, hozirda summa 10,000 funt sterlingdan oshgan.
