"MYU"ning sobiq futbolchisi Ben Foster Angliya liga kubogi musobaqasidagi g‘alabalari haqidagi xotiralari bilan o‘rtoqlashdi. Foster buni ikki marta "Manchester Yunayted"da va 1 marta "Birmingem" safida amalga oshirgan.
Birinchi sovrinni eslab, Foster FourFourTwo'ga bergan intervyusida quyidagilarni ta’kidladi:
"Hakamning so‘nggi hushtagidan so‘ng va avtobusda uyga qaytish chog‘ida men shunchaki xursandchilikdan o‘zimni yo‘qotib qo‘ydim, shampanni sachratib yubordim, katta yoshli yigitlar esa "Nyukasl" bilan bo‘lajak chempionat o‘yini haqida suhbatlashib o‘tirishdi. Lekin ular men uchun xursand bo‘lishdi."
Uchinchi g‘alaba ham esda qolarli bo‘ldi.
"Hamma bizni "Arsenal"dan mag‘lub bo‘lishimizni kutgandi, shuning uchun so‘nggi daqiqada Obafemi Martinsning goli bilan o‘sha vaziyatda buni amalga oshirish juda ajoyib edi."
Shuningdek, darvozabonning ta’kidlashicha, odatda odamlar Liga kubogini alohida narsa deb hisoblamaydilar, ammo ushbu turnir haqiqatan ham uni yutgan odamlar uchun ko‘p narsani anglatishi mumkin.
