"МЮ"нинг собиқ футболчиси Бен Фостер Англия лига кубоги мусобақасидаги ғалабалари ҳақидаги хотиралари билан ўртоқлашди. Фостер буни икки марта "Манчестер Юнайтед"да ва 1 марта "Бирмингем" сафида амалга оширган.
Биринчи совринни эслаб, Фостер FourFourTwo'га берган интервьюсида қуйидагиларни таъкидлади:
"Ҳакамнинг сўнгги ҳуштагидан сўнг ва автобусда уйга қайтиш чоғида мен шунчаки хурсандчиликдан ўзимни йўқотиб қўйдим, шампанни сачратиб юбордим, катта ёшли йигитлар эса "Ньюкасл" билан бўлажак чемпионат ўйини ҳақида суҳбатлашиб ўтиришди. Лекин улар мен учун хурсанд бўлишди."
Учинчи ғалаба ҳам эсда қоларли бўлди.
"Ҳамма бизни "Арсенал"дан мағлуб бўлишимизни кутганди, шунинг учун сўнгги дақиқада Обафеми Мартинснинг голи билан ўша вазиятда буни амалга ошириш жуда ажойиб эди."
Шунингдек, дарвозабоннинг таъкидлашича, одатда одамлар Лига кубогини алоҳида нарса деб ҳисобламайдилар, аммо ушбу турнир ҳақиқатан ҳам уни ютган одамлар учун кўп нарсани англатиши мумкин.
