"Real" muxlislari klasikoda xatoga yo‘l qo‘ygan vinger Viktor Munyosni haqorat qildi.
Madridliklar La Liga 35-turi doirasida "Barselona"ga imkoniyatni boy berib qo‘ydi (3:4). "Kastilya"dan 21 yoshli Munyos "Real"ning asosiy jamoasidagi debyutini o‘tkazdi va o‘yinning 87-daqiqasida Vinisius Junior o‘rniga maydonga tushdi.
89-daqiqada Munyos "Barselona" darvozasiga Voychex Shesni bilan birga-bir chiqib, hisobni tenglashtirishi mumkin edi, ammo u darvozani aniq nishonga ololmadi. Final hushtagidan so‘ng vinger maydonni yig‘lab tark etdi.
O‘yindan keyin Munyos "Real" muxlislari tomonidan ijtimoiy tarmoqlarda haqoratlarga uchradi, shu sababli u o‘z postlariga izoh qoldirishni to‘xtatishga majbur bo‘ldi.
Shuningdek, COPE xabariga ko‘ra, lotin amerikalik qo‘shiqchi Viktor Munyos ham haqoratlarga uchragan, muxlislarning bir qismi uni futbolchi bilan adashtirib yuborgan.
