O‘zbekiston kubogi, guruh bosqichi, 3-turidan o‘rin olgan “Navbahor” – “FarDU” jamoalari o‘rtasidagi uchrashuv arafasida “lochinlar”ning 21 yoshli hujumchisi Po‘latxo‘ja Xoldorxonov bo‘lajak bellashuv haqidagi fikrlari bilan o‘rtoqlashdi.
- Bo‘lajak raqibimiz “FarDU” Pro ligada qatnashayotgan bo‘lsada, jamoani tajribali mutaxassislar boshqarishmoqda, shuningdek, tarkibida tajribaga ega va mahoratli futbolchilar bor. Bundan tashqari, bu o‘ziga xos derbi ham. Shu bois, farg‘onaliklar bo‘lajak bahsda jamoamizga munosib qarshilik ko‘rsatishga intilishadi hamda o‘yin qiziqarli kechadi, degan umiddaman.
Biz ham maydonga g‘alaba ishtiyoqida tushib, muxlislarga quvonch ulashishga harakat qilamiz.
Ishqibozlardan esa jamoamizni stadionda munosib tarzda qo‘llab-quvvatlab, g‘alabamizga madadkor bo‘lishlarini so‘rab qolaman. Biz esa ta’kidlaganimdek, ularning ishonchlarini oqlash, uylariga xursand holda qaytishlari uchun raqibni mag‘lubiyatga uchratishga intilamiz.
- dedi Po‘latxo‘ja Xoldorxonov.
