APLda o‘ttiz yettinchi tur o‘yinlari boshlandi, Londonning "Chelsi" klubi "Manchester Yunayted" ustidan minimal hisobda g‘alaba qozondi. Uchrashuvdan so‘ng "Chelsi"ni boshqarayotgan italiyalik mutaxassis Enso Mareska muvaffaqiyatga erishishiga ishonchi komil ekanini aytdi.

"Oson o‘yin bo‘lmasligini kutgandik, ular bizga juda yaxshi qarshilik ko‘rsatishdi, ammo bizda imkoniyat paydo bo‘lishiga va gol ura olishimizga ishonchim komil edi. To‘p nazoratidan tashqarida aql bovar qilmaydigan darajada o‘ynadik, jamoa o‘yin oxirigacha juda tajovuzkor bo‘ldi, yuqori pressing qo‘lladi. O‘ylaymanki, biz bu g‘alabaga loyiq edik," - deya Mareskaning so‘zlarini keltiradi BBC Sport.