АПЛда ўттиз еттинчи тур ўйинлари бошланди, Лондоннинг "Челси" клуби "Манчестер Юнайтед" устидан минимал ҳисобда ғалаба қозонди. Учрашувдан сўнг "Челси"ни бошқараётган италиялик мутахассис Энцо Мареска муваффақиятга эришишига ишончи комил эканини айтди.
"Осон ўйин бўлмаслигини кутгандик, улар бизга жуда яхши қаршилик кўрсатишди, аммо бизда имконият пайдо бўлишига ва гол ура олишимизга ишончим комил эди. Тўп назоратидан ташқарида ақл бовар қилмайдиган даражада ўйнадик, жамоа ўйин охиригача жуда тажовузкор бўлди, юқори прессинг қўллади. Ўйлайманки, биз бу ғалабага лойиқ эдик," - дея Маресканинг сўзларини келтиради BBC Sport.
