"Manchester Yunayted" "Sporting" hujumchisi Viktor Dyokereshni sotib olishga jiddiy bel bog‘lagan, deya xabar bermoqda L'Equipe.

Nashr ma’lumotiga ko‘ra, mankunianliklar rahbariyati bir necha haftadan buyon 26 yoshli shvesiyalik futbolchining transferi ustida ishlamoqda. "PSJ" hujumchi transferidan voz kechdi, chunki parijliklar bosh murabbiyi Luis Enrike markaziy hujumchi pozisiyasini kuchaytirishni istamayapti.

Avvalroq, "Arsenal" Dyekeresh transferi bo‘yicha muzokaralar olib borayotgani haqida xabarlar tarqalgan edi.

Dyokereshning "Sporting" bilan shartnomasi 2028 yilning yozigacha amal qiladi. U joriy mavsum barcha musobaqalarda 51 ta o‘yinda maydonga tushib, 53 ta gol urdi va 13 ta golli uzatmani amalga oshirdi.