"Манчестер Юнайтед" "Спортинг" ҳужумчиси Виктор Дьёкерешни сотиб олишга жиддий бел боғлаган, дея хабар бермоқда L'Equipe.

Нашр маълумотига кўра, манкунианликлар раҳбарияти бир неча ҳафтадан буён 26 ёшли швециялик футболчининг трансфери устида ишламоқда. "ПСЖ" ҳужумчи трансферидан воз кечди, чунки парижликлар бош мураббийи Луис Энрике марказий ҳужумчи позициясини кучайтиришни истамаяпти.

Аввалроқ, "Арсенал" Дьекереш трансфери бўйича музокаралар олиб бораётгани ҳақида хабарлар тарқалган эди.

Дьёкерешнинг "Спортинг" билан шартномаси 2028 йилнинг ёзигача амал қилади. У жорий мавсум барча мусобақаларда 51 та ўйинда майдонга тушиб, 53 та гол урди ва 13 та голли узатмани амалга оширди.