Mavsum yakunlanishiga bir tur qolganida yevrokuboklarga chiqish imkoniyatini deyarli yo‘qotgan Italiyaning "Fiorentina" klubi tarkibni tozalashni rejalashtirmoqda. Bu haqda Football Italia nashri xabar bermoqda.
Ketish uchun nomzodlardan biri - maydonning turli qismlarida o‘ynay oladigan hujumchi Lukas Beltran. Uning xizmatlariga Argentinaning "River Pleyt" klubi qiziqish bildirmoqda, u klublar o‘rtasidagi jahon chempionatida ishtirok etish uchun o‘z tarkibini kuchaytirishni istamoqda. Eslatib o‘tamiz, Beltran ushbu jamoa tarbiyalanuvchisi hisoblanadi.
Joriy mavsumda 24 yoshli futbolchi barcha musobaqalarda 46 ta o‘yinda maydonga tushib, 6 ta gol urdi va 6 ta golli uzatmani amalga oshirdi.
