A Seriya autsayderlaridan biri Milanning "Inter" klubi yosh iqtidor egasini o‘z safiga qo‘shib olmoqchi.
Taniqli jurnalist Rudi Galettining ma’lum qilishicha, "Parma" vakillari 19 yoshli Franchesko Pio Espozitoga jiddiy qiziqish bildirgan va "neradzurrilar" rahbariyatiga murojaat qilib, ehtimoliy bitim shartlarini muhokama qilgan.
Agar "salibchilar" kelasi mavsumda ham Italiya chempionatida qolish imkoniyatiga ega bo‘lishsa, yosh hujumchini ijaraga olishga yoki uni to‘liq tarkibda o‘z safiga qo‘shib olishga harakat qiladi. "Parma" ustozi Kristian Kivu bo‘lib, u 2007-2014 yillarda "Inter"da o‘yin tajribasiga ega bo‘lgan, shuningdek, 2018-2024 yillarda "neradzurrilar" akademiyasida murabbiy bo‘lib ishlagan. 44 yoshli ruminiyalik mutaxassis Espositoni juda yaxshi biladi va uning ashaddiy muxlisi hisoblanadi.
Franchesko Pio Espozito joriy mavsumni "Spesiya" safida ijarada o‘tkazdi va B Seriyada 35 ta o‘yinda 17 ta gol hamda 2 ta golli uzatmaga mualliflik qildi.
