А Серия аутсайдерларидан бири Миланнинг "Интер" клуби ёш иқтидор эгасини ўз сафига қўшиб олмоқчи.
Таниқли журналист Руди Галеттининг маълум қилишича, "Парма" вакиллари 19 ёшли Франческо Пио Эспозитога жиддий қизиқиш билдирган ва "нерадзуррилар" раҳбариятига мурожаат қилиб, эҳтимолий битим шартларини муҳокама қилган.
Агар "салибчилар" келаси мавсумда ҳам Италия чемпионатида қолиш имкониятига эга бўлишса, ёш ҳужумчини ижарага олишга ёки уни тўлиқ таркибда ўз сафига қўшиб олишга ҳаракат қилади. "Парма" устози Кристиан Киву бўлиб, у 2007-2014 йилларда "Интер"да ўйин тажрибасига эга бўлган, шунингдек, 2018-2024 йилларда "нерадзуррилар" академиясида мураббий бўлиб ишлаган. 44 ёшли руминиялик мутахассис Эспоситони жуда яхши билади ва унинг ашаддий мухлиси ҳисобланади.
Франческо Пио Эспозито жорий мавсумни "Специя" сафида ижарада ўтказди ва Б Серияда 35 та ўйинда 17 та гол ҳамда 2 та голли узатмага муаллифлик қилди.













